Heart-Centered Leadership Foundation (HCLF) ta anuncia prome edicion di Impact Week, un camp di 5 dia pa hobennan di 13 pa 17 aña cu lo tuma luga den vakantie di pasco grandi.
Impact Week ta un camp di 5-dia cual ta consisti di actividadnan interactivo, wega, dialogo basa riba ‘desaroyo intrapersonal’ y refleha riba e tema di ‘Becoming Heart-Centered’. Durante e 5 dianan aki, e participantenan lo traha conhuntamente den grupo cu otro hobennan unda un ‘group leader’ lo guia e proceso di aprendemento di conocemento y comunicacion propio usando e metodo di Heart-Centered Approach. Dicon Heart-Centered Approach? Nos ta promove e importancia di establece un fundeshi fuerte den hobennan pa asina nan por tin e abilidad pa infrenta cualkier obstaculo. Heart-Centered Approach ta insera e proceso di desaroya norma, balor y principionan propio, cual por contribui na e cultivacion di motivacion den hobennan pa crea un impacto den nan bida personal of den comunidad y ta manifesta un cultura yena cu hobennan ehemplar.
Central den e siman di Impact Week, participantenan lo siña tocante temanan di principionan, balornan, intencion personal, establece imagen propio cu ta positivo, reconoce forsanan y retonan, y reflexion, comprension y expresion di necesidad y emocion. Registracion pa e trayecto aki ta sera 13 di april proximo. Despues di prome edicion di Impact Week, nos lo tin un continuacion den October, unda e di dos edicion di Impact Week lo ta basa riba e tema di ‘Being Heart-Centered’ unda lo enfoca riba e ‘desaroya interpersonal’ di e hoben.
Impact Week lo tuma luga di 19 pa 23 di April 2022. E orario di dia 1 pa dia 4 ta di: 9 AM – 3 PM. E orario pa dia 5 ta di: 9 AM – 1 PM.
Actividad lo tuma luga na Teresita Center, San Nicolas. Tin dos opcion pa participa. Esnan cu kier participa den Impact Week so ta ricibi esaki pa e prijs special di AWG.150,-. E di dos opcion ta pa sigui e trayecto di Heart-Centered Youth Leaders, unda e hoben ta participa gratis den Impact Week na april y na oktober. E trayecto di curso di ‘Heart-Centered Youth Leaders’ ta inclui cu e hoben ta registra como boluntario serca Heart-Centered Leadership Foundation, ta
onder Beschermheerschap van
de Gouverneur van Aruba
completa e actividadnan bao Impact Week na april y october y por lo menos 2 actividad boluntario durante un periodo di 10 luna.
Pa esnan interesa pa sa mas di Impact Week of e trayecto di Heart-Centered Youth Leaders por comunica cu Heart-Centered Leadership Foundation na 5841211 (whatsapp) , via hclfaruba@gmail.com of door di bishita www.hclfaruba.org. E trayectonan aki ta parti di e proyecto ‘Connecting Hearts’ cu ta co-financia door di CEDE Aruba y Samenwerkende Fondsen Cariben.
