Diasabra 25 di december, Pasco atardi pa 4:00 di atardi Pastor Andres Macoviek di Parokia di Sagrado Curason di Savaneta lo haci un Sacrificio di Misa den Mina di Fosfaat net banda di e famoso wagon. Esaki ta un Misa special dedica na Baluarte Heintje Ras kende casi 2 siman pasa a kibra e World Record di keda mas dia bou di tera den un mina y asina pone Aruba su nomber den e buki mas famoso di munfo cual ta World Guiness Book of Records.
Henter Aruba ta keda invita pa asisti na e Santo Sacrificio di Misa ariba diasabra atardi pa di e forma aki hunto por pone atencion ariba e celebracion y e nificacion di e nacimento di Niño Hesus na un forma Historico. Di mes manera bo ta apoyando Heintje Ras pa e por logra su meta di completa su 100 dianan bou di tera. E meta di Heintje ta pa logra su soño di traha un Mega Museo pa e isla cu tanto e ta stima, Aruba.
Esnan cu no por drenta e Mina por sigui esaki parti pafo danki na Patrick Geerman kende ta bay pone su sistema di sonido pa esnan pafo por sigui e Misa. Ta bay tin un tent grandi y stul pa sinta.
Pa finalisa Heintje ta desea di records tur bishitante cu e donacion financiero e dia aki tambe ta di sumo importancia pa e hazaña di Heintje Ras. Pues nos ta invita bo pasa tira bo donacion den su box di collect.
Pasco ta un dia special, ban mustra generosidad.
