Wel mi ruman imagina bo ta para pafo di e Reino di Dios y bo tin gana di mira Hesus, con nos mester cuminsa. Awel nos mester sigui Hesus su consehonan, kiermen nos mester drenta mas profundo den e palabra di Dios, scucha y tambe cumpli cu nan. Kiermen bay mas profundo den loke Hesus mes a haci durante su bida terenal pa duna enseñansa na e pueblo cu kier ta su discipel y kier sigui’E pero esey no ta facil. Nos mester ta hendenan cu tin un solo meta den nos pensamento di haci bon pa nos prohimo. Tambe duna esun cu nos ta mira, e cuminda cu nos mes kier come, sacrifica un poco di bo deseonan pa otro por gosa di bo amabilidad y bo humildad. Corda cu nos ta manera un turista riba e mundo aki y ta depende hopi di Dios su amor pa nos drenta den e Reino di Dios. E cas cu Hesus mes a bay prepara pa nos y cu tin luga pa nos tur.
Oracion: Señor Hesus habri e horeanan di mi curason pa mi por scucha bo palabra y cumpli cu ne y yuda mi pa mi por alcansa e luga cu bo a bay traha pa nos den e Reino di Dios pa medio di Cristo nos Señor. Amen.
