40 aรฑa di Status Aparte ta cos grandi, y Aruba ta sali pa celebra hunto na Cede di partido MEP. E celebracion nacional lo ta riba diadomingo 25 di januari 2026, ora partido lo conmemora Dia di Betico Croes, hunto cu e celebracion historico di 40 aรฑa di Status Aparte di Aruba.
Segun Hendrik Tevreden, e celebracion aki no ta solamente un fecha riba calendario, pero un momento di reflexion, orguyo y reconexion cu nos historia y nos identidad como pueblo.
โBetico Croes no a lucha solamente pa un Status Aparte,โ Tevreden a declara, โel a lucha pa dignidad, autonomia y pa un futuro unda e Arubiano ta dicidi su propio destino. Awe, 40 aรฑa despues, nos tin e obligacion moral di honra e legado ey y sigui defende e libertad cu tanto sacrificio a wordo logra.โ
Pa es motibo, Dia di Betico e aรฑa aki lo wordo celebra na un forma special, cu un evento grandi na Cede di MEP, pa henter comunidad di Aruba. For di 10:00 di mainta te 9:00 di anochi lo tin movecion.
- Kofiemorgen di tempran cu musica di caha di orgel
- Torneo di mini futbol
- Torneo di domino
- 16 tent di cuminda crioyo โ un festival di cuminda di tur sabor
- Expo audiovisual: Betico, Status Aparte y 54 aรฑa di Partido MEP
- Dino Jump pa tur mucha
- Programa cultural for di 2:00 te 5:00 di merdia
- Benta di T-shirt
- 7:00 di anochi lo tin e sorteo di rifa cu premio grandi di 10.000 florin cash.
- E anochi ta clausura den mas musica y ambiente cu bandanan Duro y Tsunami.
โE dia aki ta un dia pa famia, pa tur rasa bini hunto y celebra den union,โ Tevreden a agrega. โUn dia pa celebra, comparti, recorda y renoba nos compromiso cu Aruba.โ
MEP ta extende un invitacion caluroso na henter comunidad pa pasa na Cede di MEP riba 25 di januari 2026 y celebra Dia di Betico den grandi y hunto. E lo bira un dia historico, un dia di orguyo, y un dia di pueblo.
