Den Genesis nos por lesa cu Dios a crea e hende segun su imagen y semehansa, El a crea homber y muhe. Dios a traha e hende muhe for di e hende homber, entre otro cu e proposito pa nan ta hunto, por complementa otro, por reproduci, pa nan ta un refleho di Dios mes. Awendia nos ta ”permiti” ideologianan mundano bira popular rond mundo y hopi ta esnan cu ta ”kere” den e gruponan falso tambe. Como cristian, nos tur ta siña respeta otro persona, no husga y stima bo prohimo. Esaki ta un punto cu ta uza contra nos cristian, pasobra supuestamente nos Iglesia ta discrimina y exclui esnan cu ta homosexual. Nos tur por y ta stima otro, cu e amor di Dios. Semper comparti cu esnan rond di nos di e gran berdad: Dios ta amor! No ban kere y acepta ideologianan falso manera ”Love is love” pa apoya e.o. LGBTQ+ Community. Nos ta stima otro berdad, pasobra nan ta hende mescos cu nos, pero, lo ta hopi bon pa resa pa nan, pa nan tin un encuentro profundo cu Hesus.
Oracion: Tata Dios, duna nos cu ta un pueblo cristian, e discernimiento den Bo palabra.Yuda gobierno di paisnan realisa, cu Bo mandamentonan ta bin prome cu cualkier ideologia di derechonan humano. Tata, drama Bo gracia ariba nos isla y nos famianan cristian. AMEN!
