E parabola di e dies birgennan ta un yamada urgente pa nos reflexiona riba nos responsabilidadnan personal. E cinco sabinan tabata cla cu zeta extra, mientras e cinco bobonan a keda fada pasobra nan a biba di momento, sin prepara nan curason pa e regreso di e Esposo. E zeta aki ta simbolisa nos fe, nos entrega. T’asina cu e relacion personal cu Dios, tin cosnan den bida spiritual cu nos no por fia otro. Ora e momento supremo yega, e responsabilidad spiritual ta bo propio entrega ta conta. Dios ta duna nos tempo, gracia y bida pa nos prepara, pero e porta lo cera un dia definitivo. No laga e rutina, ni e speransa largo of e distraccionnan di e mundo aki paga bo fe. Biba tur dia prepara pa topa cu bo Salbador, ya cu nos no sa ni e dia ni e ora.
Oracion: Señor Dios, danki pa Bo Palabra cu ta lanta nos for di soño y ta spierta nos alma. Pordona nos negligencia y duna nos e sabiduria pa mantene nos lanterna cendi. Yena nos bida tur dia cu e zeta di Bo Spirito Santo, fe bibo y obedencia. Fortifica nos den tempo di espera pa nos no perde speransa. Pa nos por ta cla ora Bo yega, pa drenta Bo fiesta eterno. Amen.
