Mi rumannan stima, awe nos por lesa den e Palabra di Dios, con Hesus a yama e discipelnan hunto y duna nan poder y autoridad riba demoño y poder y autoridad riba enfermedad. Cu e poder ey e demoñonan tabata core pa nan, malesa tabata somenta ora cu nan pone man riba e enfermonan. Rumannan ta e mesun poder ey nos sacerdotenan tin, ta e mesun poder ey cu a wordo pasa ora cu Obispo a pone man riba e sacerdotenan. E poder ey a keda pasa di Papa pa Obisponan. Ta nos tin cu yega cu tur nos fe dilanti di un sacerdote paso nos sa cu nan tin e poder di sana. Laga nos entrega nos picanan den man di confesion y permiti e sacerdote absolve nos picanan y pa nos por ricibi sanacion a traves di su palabranan di bendicion. Nos mester realisa cu e poder ey cu Hesus a entrega na su discipelnan, t’ey keto bay den man di nos sacerdotenan, laga nos yega cerca nan cu un curason habri yena cu Fe.
Oracion: Tata awe nos ta pidi Bo pa yuda nos pa nos fe por aumenta y cu nos por wak nos sacerdotenan cu wowo di fe. Danki Tata pa tur loke cu Bo ta haci pa nos, nos ta yama Bo danki den e nomber di Hesus. Amen.
