Promer cu Nelson Orlando Oduber a bira un figura politico di Aruba como Ministro Presidente, tawata Alvin H. F. Lasten Sr. — conoci como comerciante y administrador, cu a ofrece y a brinda partido MEP incondicionalmente e base financiero, e conocemento profesional di campaña, y un local cu un partido tawata tin mester pa competi den e eleccion historico na Aruba di aña 1989 pa elegi e 21 miembronan pa Parlamento di Aruba.
Un Nacion na un Crusada Politico; E aña tawata 1988. E panorama politico di Aruba tawata consisti di 7 partido politico activo: PPN liderá pa Hedwiges (Eddie) Werleman, AD’86 liderá pa Arturo Oduber, PDA liderá pa Leonard Berlinski, ADN liderá pa Charro Kelly, PPA liderá pa Benny Nisbet, AVP liderá pa Henny Eman, y MEP liderá pa di Nelson Orlando Oduber — tawata un stap grandi pa Nelson Oduber cu pa prome biaha sin e presencia grandi di e fundador di partido MEP, Gilberto “Betico” Croes q.e.p.d., mester a lidera un partido grandi manera partido MEP.
Tawata un momento historico den e bentana critico aki — Alvin Lasten, un empresario y doño di e popular establecimientonan Pizza Pub, Restaurant Mexicano Acapulco, Bell Air Restaurant, y L’Atmosphere Night Club, riba Boulevard banda di Club Visage e tempo ey, Alvin Lasten tawatin e recursosnan, e red, y e conocemento profesional pa yuda construi un campaña ganador, cu a cuminsa di nada te pa yega e top.
Alvin Lasten a bin cu e lema pa campaña di partido MEP; “UN FUTURO BRIYANTE PA UN Y TUR”, tambe e a bai Merca cu un locutor local pa traha dos anuncio cu a hasi furor den tempo ey na Tele Aruba; Natasha “Waak den su wowonan” y e “Blaas, cu ta supla te ora e rementa”.
E Presentacion pa Campaña cu a cambia tur Cos; Alvin Lasten a trata pa presenta na Nel Oduber e “know how” cu e tawatin pa un campaña ganador, inicialmente acercando e confiabel amigo Milton Henriquez (q.e.p.d). Ora cu e caminda ey a mustra insigur, Alvin Lasten a acerca Guillermo Trinidad (q.e.p.d.) — door di ken Nel Oduber finalmente a acepta pa scucha Alvin Lasten. Tawata asina cu Partido MEP cu Nel na cabez tawata desesperá, sin Betico (q.e.p.d.), sin local, sin medio financiero, sin campañador pa competi contra e monstruo partido AVP cu si tawata bon prepará pa campañá. E encuentro a resulta decisivo: Nel a acepta e oferta di Alvin Lasten sin discucion mesora.
Un Compromiso Financiero Personal; Un partido MEP sin e medio pa lansa un campaña profesional, Alvin Lasten a tuma accion decisivo. E personalmente a deposita Afl. 125.000 na un banco local — Afl. 100.000 como donacion for di un comerciante local prominente q.e.p.d. y Afl. 25.000 contribui directamente for di su propio sudor — pa financia e operacion di campaña di partido MEP. Esaki no tawata un gesto simbolico; tawata e linea di bida financiero cu tambe a haci e campaña ganador posibel.
Bell Air y Pizza Pub: Cartel General di e Movimiento; Alvin Lasten a pone su establecimiento Bell Air na disposicion di partido MEP como base di operacion pa campaña. Pizza Pub, estrechamente asocia cu e red di campaña — incluyendo e aliadonan clave manera Allen Globridge (q.e.p.d.), Bob Dilela y Ernestine — a sirbi como e centro principal for di unda e campaña di partido MEP tawata worde organisá y coordiná. Cu orguyo pero na un manera convincente Alvin Lasten a menciona na Nel Oduber durante final di campaña, “ami ta hasi bo sin condicion e Prome Premier di Aruba.”
E medionan cu a duna nan aporte substancialmente; Radio Top FM, Diario y Bon Dia Aruba. Alvin Lasten a zorg pa kibra e descrepancia cu tawata existi entre Jossy Mansur q.e.p.d. di Diario cu Nel Oduber pa logra haya Diario su aporte positivo pa campaña di partido MEP.
Tende e Brug: E Mision di Coalicion; Despues di eleccion na 1989, e man drechi di Nel Oduber, esta Guillermo Trinidad q.e.p.d. a acerca Alvin Lasten, (Guillermo den feliz memoria a mencioná, Alvin Lasten ta awor sigur un persona integro) cu e mision pa bishita personalmente e lidernan di PPA y ADN pa waak si nan ta dispuesto o sea pa fula tera si nan ta disponibel pa forma un coalicion di gobernacion hunto cu partido MEP.
E Resultado a Papia Pa Su Mes. Dia di eleccion 1989, partido MEP a sali como e partido ganador y mas fuerte di e pais Aruba, ganando cu 10 asiento parlamentario — superando partido AVP (8), partido PPA (1), y partido ADN (1). E base cu Alvin Lasten a pone a yuda transforma MEP, un partido sin Betico (q.e.p.d.) sin con cuminsa, cu man na cabez, den un forsa cla y raspa pa goberna pais Aruba pa prome biaha bau e liderazgo di Nel Oduber.
Mas Ayá di Politica durante gobernacion na aña 1989 cu Nelson Oduber como e Prome Premier di Aruba; Legado di Construccion di Institucion. E contribucion di Alvin Lasten pa Aruba cu su aliadonan, esta e Lobbydornan di Merca, a bai mas ayá cu e campaña ganador pa partido MEP. El a hunga un rol instrumental den e coneccion y yegada di e servicionan di inmigracion y aduana di Estados Unidos pa Aruba — esta e Pre-Clearance di Merca pa Aruba, un hit cu a transforma e coneccion directo entre Merca cu Aruba y a logra e status di Aruba como un destinacion internacional di primera clase.
“E no a busca e luz reflector. E a konstrui e encenario pa cual otronan a actua.”
Historia ta recorda esnan cu ta para riba encenario. Nunca ta ser registra esun cu a konstrui e encenario, esun cu a contribui substancialmente den tur forma pa logra e gran ganador e tempo ey cu ta partido MEP, cu a haci posibel un gobernacion pa prome biaha door di Nelson Orlando Oduber cu a kambia e rumbo positivamente den politica di un nacion. Alvin Lasten tawata e figura ey — un hende di substancia, cu estrategia, cu compromiso, cu vision determiná y sin condicion pa cu mihor Aruba. Su historia ta un cu Aruba merece di sa.
