Dia 25 di januari ta un fecha di gran importancia na Aruba: Dia di Betico. E dia aki ta conmemora e legado di Gilberto Francios “Betico” Croes, un llider fundamental den e lucha p’e autodeterminacion di e isla. Betico, conoci pa su lucha incansabel p’e independencia y bienestar di e pueblo Arubiano, a hunga un papel crucial den politica di e pais durante e decada di 1960 y 1970.
Dia di Betico no solamente ta celebra e heroe nacional aki, sino tambe ta sirbi como recordatorio di e avancenan alcansa na caminda p’e autonomia di Aruba. Betico Croes tabata clave den e mobilisacion di e pueblo , buscando prome e mehoracion di e situacion politico y social di Aruba dentro di Reino Hulandes. A traves di su vision y su carisma, a logra involucra e sectornan di e poblacion cu tradicionalmente a wordo margina.
E dia aki ta un homenahe n’e resistencia y e curashi di Betico Croes, kende, a pesar di e dificultadnan a mantene su lucha firme pa un futuro miho pa Aruba. Awe, casi 40 aña despues di su fayecimento, su influencia ta perdura y su nomber ta sinonimo di e autonomia cu Aruba ta disfruta den actualidad.
Dia di Betico ta un oportunidad pa reflexiona riba e importancia di autodeterminacion y pa recorda un lider cu a cambia rumbo di e historia di e pais.
