Diaranson nochi 10 di december 2025 den un Centro Deportivo Betico Croes bon anima e damas nan di A-klas di Hitters Volleyball Club a sa di cuminsa e campeonatio national di Volleyball cu un victoria riba e equipo di Volleyball Positivo. E damasnan di Hitters na luna di September e anja aki a bin hunto pa prome biaha pa asina forma e A-klas di Hitters cu ja caba desde 2024 tin team activo den e categoría U-15 y U-19.
E wega a cuminsa unda Hitters twta domina den e prome set y a bai dilanti te 15-7, pero door di descuido y algún bruhamento Volleyball Positivo a sa di bolter cos y gana e prome set cu 26-24.
Den di dos set Volleyball Positivo a cuminsa e set determina y a sa di bai dilanti, pero Hitters a mane wake up y a bolter cos y bai gana e set cu 25-21.
E di tres set Hitters a sa di domina e wega mas miho, y a gana e set cu 25-20.
Mirando cu e preshon ta riba Volleyball positivo pa gana e di 4 set, nan a cuminsa hasi hopi fout den nan wega. Hitters a sa di provecha y domina e wega pa asian gana e di 4 set pa 25- 12.
Un wega cu sigur twta tin hopi tenshon vooral cu e wega a dura 2ora den su totalidad unda cansancio tambe a hunga un rol den e wega aki. Asina aki Hitters ta logra su prome 4 puntonan di campeonato National di Volleyball di Aruba organiza door di Aruba Volleyball Association (AVA).
Diabierna awo campeonato ta continua unda cu Hitters U15 lo ta enfrentando Fast Breakers 2 pa 6or di atardi na Centro Deportivo Playa (Colegio Arubano)
Y diasabra tambe tin wega unda cu Hitters U-19 lo ta enfrentando Fast Breakers pa 7or di anochi na Centro Deportivo Playa (Colegio Arubano).
