Diahuebs merdia rond di 12’or polis a bay pura Sero Preto Paradera, unda cu lo tawata tin un accidente di brommer cu auto.
Na yegada di polis motorisa a bin topa solamente un brommer y e motociclista seriamente herida.
A resulta cu e hoben ariba e brommer pa un of otro motibo a perde control y a cay cu e brommer. Esaki lo a lastra algun meter prome, y por a mira e marca of rasca di e brommer ariba caminda.
E mucha homber no tawata tin helm bisti; y ta haya golpi fuerte na cabes. Rapidresponder di Ambulance a presenta, unda cu un Paramedico a cuminsa duna prome auxilio, wardando ariba Ambulance.
Trauma fuerte na cabes a laga e hoben keda kega di dolor; pero ripitiendo esaki, un indicacion di un golpi serio.
Polis di trafico y e ambulance a yega pareu; y por bisa cu e Paramedico ya a prepara e hoben pa nan djis lante y sali cu ne pa Hospitaal.
Polis di trafico a constata tambe cu e plachi number ariba e brommer ta falso y a kita esaki.
