E hoben delantero di Barcelona, Ansu Fati y e fichahe nobo di Manchester City, Ferran Torres, ta algun di e seis debutantenan cu e seleccionador nacional Spaño Luis Enrique, a devela diahuebs pa e partidonan di otro luna pa e Nations League di UEFA contra Alemania y Ucrania. Fati di 17 aña, ta e goleador mas hoben di Barca den La Liga, ademas di e hungador mas precoz den anota den Champions League. Awo e ta dal un salto pa e seleccion absoluto desde sub-21 tras un prome temporada destaca den e club “cule.” Torres, cu a yega City e luna aki procedente di Valencia pa 23 miyon di euro, tambe a wordo convoca pa prome biaha den e absoluto, uniendo na e defensa di City, Eric Garcia, di 19 aña. E mediocampista di Real Sociedad MIkel Merino, e keeper di Athletic de Bilbao Unai Simon y e delantero di Real Madrid Oscar Rodriguez, cu a pasa e temporada pasa como prestamo na Leganes, tambe a wordo inclui den e nomina di 24 homber di e escuadra. No obstante, den e ekipo no tabata tin luga pa e hungadonan di Atletico de Madrid, ante e asuencia di e habitualnan manera Saul Niguez, Koke y Alvaro Morata mientras cu Marcos Llorente tambe a keda pafo, apesar di u gra final di temporada reconverti como delantero. Spaña lo bishita Alemania dia 3 di september y lo ricibi Ucrania dia 6 di september. Asina a keda e convocatorio di e seleccion nacional Spaño: Keeper: David de Gea (Manchester United), Kepa Arrizabalaga (Chelsea), Unai Simón (Athletic Bilbao) Defensa: José Gayá (Valencia), Dani Carvajal (Real Madrid), Eric García (Manchester City), Sergio Ramos (Real Madrid), Diego Llorente (Real Sociedad), Pau Torres (Villarreal), Jesús Navas (Sevilla), Sergio Reguilón (Sevilla) Mediocampista: Sergio Busquets (Barcelona), Rodri (Manchester City), Thiago Alcántara (Bayern), Fabián Ruiz (Napoli), Mikel Merino (Real Sociedad), Óscar García (Real Madrid), Adama Traoré (Wolverhampton Wanderers)
Delantero: Rodrigo Moreno (Valencia), Mikel Oyarzábal (Real Sociedad), Dani Olmo (RB Leipzig), Marco Asensio (Real Madrid), Ferrán Torres (Manchester City), Ansu Fati Barcelona)
