ORANJESTAD – Awe Hof di Corte Superior a dicta sentencia den e caso cu abogado mr. Carlo a cuminsa contra Fiscal. E abogado a protesta e hecho cu Fiscal a ordena pa Rudy Carti entrega su mes na KIA, pasobra e ta bay apela e sentencia.
Solo di Pueblo por a compronde cu Diaranzon merdia tratamento di e caso aki a tuma lugar caminda via video conference mr. Carlo a cuestiona cu ta inhusto cu Fiscal ta ordena pa bolbe detene Carti siendo cu el a wordo laga liber for di KIA. Tambe a abogado a pidi pa suspende e detencion y si tog ta haya cu loke Fiscal a haci ta corecto, pa laga Rudy Carti den libertad te ora cu e caso di apelacion keda trata den Corte Superior.
Hof, despues di a scucha e punto di bista di mr. Carlo y di Fiscal, a bisa cu ta bay studia e caso y cu mas tarda diabierna lo por spera un decision si Carti mester wordo laga liber of e tin cu keda den KIA.
RUDY CARTI LIBER
Awe Hof a dicta sentencia y a bisa cu enberdad no ta husto cu a bolbe sera Rudy Carti. Hof a dicta cu awe entrante 12’or di merdia, Rudy Carti ta haya su libertad.
