Awe, Hoge Raad a tuma un decision importante den un caso grandi di corupcion cu a haya hopi atencion na Aruba for di 2016. E corte mas halto di Hulanda a rechasa (verwerp) e recurso di casacion cu a wordo presenta pa e ex-minister di Aruba.
Cu e decision aki, e sentencia anterior di e hof ta keda mescos. Esaki kiermen cu e ex-minister ta keda culpabel pa delito nan manera:
estafa (oplichting) corrupshon (pasivo soborno) malversashon (verduistering)
Como resultado final, e castigo ta keda:
4 aña di prizon prohibicion pa ocupa un puesto publico den futuro
Hoge Raad no a duna un splicacion amplio riba e decision, pasobra segun ley (artículo 81 RO), e corte por dicidi cu e kehonan no ta suficiente importante pa un analisis profundo.
E decision aki ta definitivo, loke kiermen cu no tin mas apelacion posibel. E caso aki ta mustra cla cu corupcion den gobierno lo wordo castiga severamente.
Pa Aruba, esaki ta un señal fuerte riba importancia di integridad i responsabilidad den funccion publiclo.
Caso Avestruz a cuminza cu Leoncita Leaks:
E origen di e caso ta e famoso leaks di Leoncita su e-mailnan.
Mas di 200 e mail di Leoncita a lek y asina por a cuminza lesa con e corupcion tabata cana. Cantidad di tereno tabata wordo gefix for di kantoor di Benny. Benny ta pone un firma y Leoncita ta bay bende tereno prominente pa 600 mil florin. Terenonan riba Sasaki weg. Djey a bin sali na cla cu no ta Leoncita so ta den wega, sino Sussebeek tambe. Un amigo di Benny cu a haya 11 tereno pe bende y ainda tabata trahando riba mas. For di Sussebeek husticia a confisca 2.4 miyon na Orco Bank na Curacao. Fuentenan, campañadornan ta corda con Sussebeek tabata manda palo di bandera pa Benny y Gerlien Croes.
