Homber a dal polis cu auto durante control na Boegoeroei
Diadomingo den careda di 2.30 marduga, un agente policial a wordo alcansa pa un auto, durante control ora cu intencionalmente un chofer a manda auto riba un agente policial motorisa.
Na momento cu un of mas polis a duna un chofer signal pa stop, el’a maniobra di tal forma cu el’a manda auto riba un agente policial motorisa, cu consequencia cu e agente a ricibi sla. Rápidamente ambulance a transporta e polis pa hospital.
Ta trata di un Toyota Tercel color berde, cu a huy for di e sitio na Boegoeroei, pero no a yega mucho leuw debi na 2 tire gekap. E chofer sali for di e auto na careda y a huy na pia, drentando mondi den e area ey.
E indentidad di e chofer ta conoci.
Arma di candela tira abao
E persona encuestion ta un conoci di polis, cu poco mas tempran a wordo signala pa polis cu menos bon intencion.
Poco mas leuw di unda el’a dal e agente policial, a haya un arma di candela tira abao, cu presuntamente ta di e chofer agresor, cu lo a zwaai esaki for di su auto durante huida.
Helicopter:
Den e operacion di buskeda, helicopter a lanta pa asina yuda cu buskeda.
Auto tuma den beslag
E auto Toyota Tercel color berde a wordo tuma den beslag pa investigacion.
