E pareha ta plan pa casa na 2023, apesar di loke lo demas por opina riba nan relacion.
Kathi Jenkins y Devaughn Aubrey a conoce otro via internet. Aubrey a bisa cu Jenkins ta recorde un poco di su abuela.
E hoben di 27 aña ta traha na un supermercado, mientras e muher ta cu pension.
Señora Jenkins a bisa cu e kier bibsa e resto di su bida cu su prometido nobo.
Ta ser bisa cu ‘para el amor no hay edad’, sinembargo, tin pareha cu ta practik’e den extremo, manera e homber aki cu ta segura cu e ta namora totalmente di e muher di 74 y hasta tin plan pa casa cune na 2023.
Kathi Jenkins y Devaughn Aubrey, apesar di nan diferencia di edad di 47 aña, ta asegura cu nan ta destina pa otro. E pareha a conoce otro riba e e site ‘Adult Friendfinder’, un sitio di internet pa haya “date”, y, despues di a conversa un poco, nan a dicidi di conoce otro personalmente.
“Nos a conoce otro online, riba un site di haci coneccion, pero ninguno di nos dos tabata busca relacion serio. Ma wak su foto y a lesa su perfil y mi a mande un mensahe cu e speransa di haya un contesta. E muher tabata na su computer y a contesta mesora, Aubrey a bisa un portal di noticia.
E homber ta traha na un supermercado, e no tin yiu y el’a divorsia aña pasa, mientras cu Jerkins ta pensionado y tin 4 yiu, 13 nieto y 36 bisanieto y 1 tataranieto.
Sunchi amoroso:
Apesar di e diferencia di casi 50 aña di edad, e homber ta segura cu su famia ta apoye maske e no por haya yiu cu e dama. E tin un atraccion pa muhernan mayor di edad.
Kathi Jenkins a bisa cu e desea pa pasa resto di su bida cu su amor nobo y a bisa cu esaki ta e mihor relacion cu e tabatin y cu ningun otro a stime tan completo manera su amor nobo actual.
“Devaughn ta amable y solidario. E ta pensa cu mi ta hopi bunita, talentoso y inteligente. Solamente mi kier pa nos bibsa e resto di nos bida hunto y cu nos ta felis, e muher a bisa”
