Timonsstraat – Diahuebs mainta den careda di 10’or algun habitante den Timonstraat a bati alarma na 911, unda cu un cas lo ta candela y tin hende paden. .
Ariba caminda di Ponton por a mira un unidad di Brandweer bayendo cu urgencia pa e candela.
Na prome instante nan a bay direccion Paradijswijk, pero esaki no tawata e adres.
Di eynan e unidad a sali direccion Driemasterstraat unda cu nan ta drenta Timonstraat y mesora a baha bay unda algun señora tawata mustranan. Na yegada por a mira cu un slang di cas a wordo usa pa yuda paga e candela
Tawata tin solamente huma saliendo di un pida muraya cu ta patras di un cas conoci den Brikstraat.
Eyden bomberonan a bin topa un curpa sin bida di un persona kima.
Loke testigonan a mira y scucha
Na e sitio esnan cu a bati alarma a conta Arubanative.com cu nan a mira un candela halto saliendo di e pida muraya cu ta parti di e cas cu ta Brikstraat. Ta trata di un cas estilo bieu cu ta inhabita pa hopi tempo.
Un nomber a wordo menciona F.S, pero no por confirma esaki debi cu segun testigonan tawata tin 2 persona den e pida muraya ey.
Tambe segun testigonan, tawata tin un candela na prome instante y hopi gritamento.
Despues e candela a baha y solamente huma a keda y ora nan a bay mira a haya e curpa sin bida.
Manera nos a bisa no por comproba oficialmente cu ta trata di F.S un persona di 70 y algo aña.
Segun famia, un rato prome e cu su ruman muhe cu ta biba eynan mes a bay cobra pensioen.
Y den algun minuut cu nan a yega cas e candela a start y tawata tin gritamento y manera un bringamento.
Segun e ruman muhe, tawata tin un persona mas hunto cu ne.
Den algun minuut un team grandi di recherche, bfto, y hefe di polis a presenta pa cuminsa loke Sr.Lito Laclé vocero di polis a bisa cu lo bay dura hopi largo.
Debi cu awor e trabou lo a bay cuminsa cu e trabou pa reconoce posiblemente via djiente ken e ta, pues si ta trata di F.S mes.
