Diadomingo rond di 4’or di marduga habitantenan den un area di Sero Blanco a lanta debi na desordo.
Esnan cu a lanta a capta un auto color shinishi sospechoso, o sea cu no ta di eybanda.
E zonidonan tawata bin di un cas, unda cu ladronnan posiblemente vincula cu e auto shinishi tawata sacando no 1 pero 3 quadracer marca AKT for di e cura.
Testigonan lo a sigui nan, pero yegando area di Tarabana a perde nan for di bista.
Doño di e machine nan mesora a notifica polis.
Locual e ladronnan aki no a tene cuente cu ne tur e camaranan di seguridad tin rond, sin conta esunnan na hopi cas awendia.
Autoridad lo tin pista di kennan ta tras di e operativa aki, y mas cu claro un ora pa otro ta desbarata nan.
