Si su murayanan por a papia, laga sa ken tur nan a yuda, e cantidad lo ta hopi sigur , y e portanan lo a murmura e cantidad di patient cu no a wordo bon yuda pa falta di personal y conosemento , keda atras den scur y drenta nan dia y bida nobo den luz
Hanguanan cu a bayla den suspenso pa falta di claridad duna na patient robez cu mester a hanya pilder
Pildernan di tur color cu tawata landa den e silencio rondiando e cusinchinan pa motibo di dokter cu tawata mucho druk pa bin tira un bista riba e patient of bin papia cu e famia di e patient
Atencion den splicacion cu a faya riba e rotondo di sanacion emocional
Yega na e crusada di duna preferencia na bida pero dokter ta mucho druk, ufff
Un patient ta wordo hospitalisa pa mehora den salud y no pa wordo pusha pa muri, pakico anto wordo neglisha ? Si ta fey distancia patient ta wordo atendi, anto ta fey mi cas mes por ricibi e atencion di famia cu nan amor y remedi tera natural
Tin cu ya no tin confianza mas den HOH aunke tin varios cu si ta dokter profesional cu curason
Nan ta e bendicion
Traha serio atento cu dedicacion
Dokter cu por hasta duna ordo fey laman, drumi den solo cayente awendia
Ta esnan cu a bira dokter pa e salario, titulo of jas blanco
Esnan cu no por warda riba nan dia liber y ta na warda, pero no ta presenta ora wordo urgentemente solicita
Ach, e Poeta activo cu palabra papia den mi a spierta pa e carta cu nunca nan lo manda kizas
Nan consenshi no por ta na paz, tapa y sconde , sconde y tapa hunga cu e fechanan , ach, nos a ricibi sano huicio , cu ta rebeldia den busca pa sa tur e berdad
Cu segun su rumbo no lo sali ful na claridad
Nos lo sigi concientiza
Nos lo sigi expresa
Ayera ta sinya nos ken y kiko pa balora.
Ruthy Lady Ruth
September 2025/ April 2026
