Caroline Bekker ta un specialista di pulmon na Hospital y el a trece dilanti algun punto di importancia mirando cu nos tin un cantidad importante di pashent cu Covid-19 interna. Pesey ta haya ta hopi importante pa resalta algun punto, con ta bay om cu e pashentnan. Bishita di patient cu tin Covid-19 E pashent cu tin Covid-19 no ta permiti pa tin bishita si e ta interna. Esaki ta un regla cu mester a bin cun’e, mirando tur e protocolnan mundial y cu tin na Aruba, mirando tur e
cantidad di pashentnan cu ta bin diariamente. Tin cierto expesion cu por haci si. Den caso di un pashent cu ta bay fayece of cu ta hopi malo y sa cu ta bay fayece, tin excepcion ta tuma un of dos famia di e pashent, cu ta esun di mas cerca, cu deliberacion cu personal medico. Semper teniendo na cuenta e medidanan importante di precaucion. Esey ta pa e seguridad di e personal medico, di e famia tambe y tambe pa e comunidad en general, pa evita pa sigui plama Covid-19. Isolacion y ki ora Ora cu un pashent tin Covid-19 confirma of cu tin un pashent cu tin sospecho di Covid-19, ta interna e pashent aki of den un camber di isolacion y depende di e cantidad di pashent, si e
ta un cantidad grandi cu tin caba den hospital, ta haci’e full riba un piso di isolacion. Esey ta yama e Covid-19 afdeling cual tin actualmente. Riba e piso ey tin e personal adecua cu tin tur medida di precaucion cu ta trata e pashentnan aki. Esey ta nifica cu no por bin otro persona di pafo, excepto familiar cu tin excpecion, semper teniendo cuenta e medidanan di precaucion cu ta handschoen y mondmasker. Ora di procedura di test patient Esaki ta haci’e ora tin sospecho di un patient cu Covid-19 of ora cu tin un pashent cu ta confirma caba, of ora bo ta pendiente di confirmacion, of cu bo no tin e resultado preto riba blanco. E ora ta ripiti e test y ta hinca e pashent tambe den isolacion. Ora tin sospecho riba piso, si por ehempel tin un pashent a drenta den contacto cu otro pashent cu ta positivo of un trahado cu ta positivo, na Hospital tambe ta haci loke ta e contact tracing. Mescos cu DVG ta haci pafo di hospital, na hospital tambe ta haci’e profundo. Sea cu nan ta bay busca henter e area di e hendenan cu ta den contact, sea e trahado, e pashentnan y e bishita cu e pashent cu tabata interna a haya. Privacidad Algo hopi importante cu Bekker kier a trece dilanti ta e privacidad di e pashent. Tin algo cu ta confidencialidad di e profesion medico. Ta algo cu ta ancra den ley. Esey ta nifica loke ta e informacion di e pashent, tambe su historia medico y su diagnostico di Covid-19, no por duna na otro persona. Solamente na e famia cu ta cercano na e pashent of cu e pashent ta duna permiso cu mag haya informacion. No por informa ni envolvi mas informacion over di nada otro cu tin di haber cu e pashent. Ora cu tin un procedura di ley medico, ta ora cu un pashent fayece. Ora e familiar kier informacion riba e pashent, tambe tin un procedura pa haci esey. E ta bay na e manera legal y esey por haya e informacion di e persona cu a fayece. Fayecimento Na momento cu un pashent fayece di Covid-19, sea cu e ta e causa di fayecimento of cu e ta relaciona, nificando cu e pashent tabata tin otro causa di morto, sea un enfermedad of accidente y a resulta di ta Covid-19, mester registr’e na DVG. Ya despues esaki ta wordo, segun e protocol di DVG, mira den cua grupo e ta wordo estableci. Tin cu bisa cu e protocol den hospital ta keda mesun cos. E pashent ta wordo trata mescos cu e tin Covid-19, aunke causa por ta otro. Pero mester trat’e como e pashent cu e ta cu Covid-19.
