Diaranson mainta tabata dia cu Biemans mester a presenta den corte. Biemans ta doño di hotel Bucuti.  E tambe a cay den investigacion unda e tabata haci pagonan grandi na Abath.  
Hotelero Biemans a declara cu el’a paga minimo 200 mil florin entre 2012-2019 direct na Abath. Y a cambio Abath a duna uitbreiding y tereno. Hasta Abath tabata hasi taxatie rapport pa Biemans. Segun Biemans Abath tabata un consehero riba tereno di construccion.   

Abath kier a purba hustifica e 200 mil florin na trabao di haci taxatie rapport.   Pero, dificilmente por substancia e montante ey na dicho trabao.    Ni si haci 500 taxatie no ta yega na e suma ey. 
Ademas Biemans a bisa cu dor cu Abath a haci asina un bon trabao pe,  el’a duna Abath bonus di 20 mil florin.  
Tur esaki ta mucho dificil pa kere,  siendo cu na mes momento tabata fix terenonan pa Biemans.   O sea Abath tabatatin conflicto di interes, pasobra dor cu e ta traha cu Biemans,  e tabata fix terenonan. 
Huez a keda interoga Abath pa basta rato largo riba e caso aki.   Dado momento Abath tambe a bira emocional y cuminza yora den corte. 
Nota:  E ta bisto cu tur esaki tabata e modus operandi di corupcion.   Aki por mira cu un ambtenaar, consehero di Minister,  tabata tuma placa grandi for di hotelero y na mes momento ta fix tereno.   

LEAVE A REPLY

Please enter your comment!
Please enter your name here