Diaranson mainta FTA tambe a participa den e cumbre nacional cu gremionan. Sr. Hubert Dirksz di FTA a bisa cu FTA ta contento di por participa den e cumbre cu gremionan comercial y sindical, unda cu nan por duna nan opinion y debati loke ta na beneficio di tur hende.
Mercado laboral y reforma:
Segun Hubert Dirksz, presidente di e sindicato, a indica riba e punto di nos mercado laboral y reforma di mercado laboral, FTA sa cu Aruba, manera cu a wordo bisa cu su economia no ta diversifica manera nos ta desea pero si tin un empleo halto y tin biaha no ta tur caminda e beneficionan ta mesun cos. E ta tanto pa sector publico y priva, tin ora tin beneficionan mas halto cu otro, tin ora ta mas abao cu otro y tambe tin comportacionnan bon y malo tanto di e dunado di trabao y trahado riba diferente nivel.
Segun FTA, sigur mester haci un analisis den e parti aki pa wak con y kico por drecha.
Flexibilisacion:
FTA tin preguntanan hopi cla pa loke ta e flexibilisacion of adaptacion di nos leynan laboral. Den e documentonan ta para y FTA lo ta desea pa haya contesta, con por ta pa crea siguridad laboral y aumenta empleo cu flexibilisacion of adaptacion di leynan laboral. Ta wordo menciona entre otro cu pa crea trabao pa hobennan. Ultimo cifranan cu tin ta mustra cu si bo wak Corsou, Hulanda y mundialmente, Aruba su cifra di desempleo cerca hobennan ta hopi mas abao compara cu e otronan. E ora eynan, ta keda cu preguntanan dicon tin e puntonan importante asina den reforme proponi pa Hulanda, pero cu den bista di FTA no ta corecto.
Pesey mes ta kere cu mester haci un analisis. E biaha aki si ta pidi pa por fabor laga sindicatonan participa manera mester ta den e trabaonan aki. Mester sa tambe cualkier resultado cu haya ta final ta loke cada persona ta, no solamente loke ta su bida na trabao cu mester ta di miho nivel, no ta placa so, pero tambe su bida na cas, cu mester tene cuenta cun’e.
Nos futuro, principalmente nos hobennan, pa e parti social, di educacion, pa nos no afect’e y tene cuenta cu esey, maske cu ta papiando di mercado laboral.
Te asina Hubert Dirksz di FTA a hiba su palabra durante e cumbre nacional.
