El’a cruca liña y a haya 10 dia di prison
Diahuebs a tuma lugar un caso den corte, cu Ministerio Publico a hiba dilanti, unda ta acusa Andre Paskel di a cruca tur liña di libertad di expresion y a actua na forma indebido pa acusa o yama Rocco Tjon pa pedofiel riba facebook.
Tabata na 2019 cu riba un post di noticia di Rocco Tjon, cu Andre Paskel a haci comentario insultativo, crucando tur liña, yamando Rocco pa pedofiel.
Parlamentario Tjon a entrega un keho y fiscal a dicidi cu ta persigui Andre Paskel.
A bini cu defensa cu esaki ta libertad di expresion, y a busca tur forma pa hustifica cu e comentario tabata uno cu e politico mester tolera, pasobra e mester tin lomba hancho.
E flie aki no a subi cerca hues, kende na su turno a rechasa e defensa y ta husga cu loke a sosode no por. Hues a dicta sentencia mesora y no tabatatin mester di tempo pa studia e caso mes.
Fiscal a pidi 10 dia di prison pa Andre Paskel, pa cual huez a bay di acuerdo cu 10 dia di prison a menos cu e lo desea di haci trabao comunitario na razon di 40 hora.
Cu e sentencia di huez aki, Ministerio Publico y Corte ta manda un signal bon cla cu no por ta asina cu politiconan por wordo abusa cu palabra y ofensanan. Tin un liña ta core, te unda por yega y no por ta asina cu pa tur cos ta usa “lomba hancho”
