Dia 23 di november 2022 corte imparcial a dicta sentencia cu Roland Studley Tuitt su retiro como director for di Fundacion Lotto pa Deporte ta legalmente corecto. A core cu Tuitt man bashi. E sentencia aki ta ensera dissolvemento (‘ontbinding’) di e contracto di labor entre Fundacion Lotto pa Deporte y Tuitt. E gran perdedor Tuitt legalmente no por apela e sentencia aki. Esaki ta final y caso cerado.
Tuitt ta un ex politico y ex ministro di Sint Maarten cu parse a core bin sconde na Aruba pa no para responsabel pa su actonan na hermana isla. Esunnan cu a nombra Tuitt como director di Lotto tambe ta co responsabel pa e desaster sin precedente na e fundacion di loteria y deporte. Ta pesey mes pa hopi tempo caba deporte a sclama pa un cambio profundo.
Expertonan ta bisa cu e sentencia aki ta habri caminda basa riba e Codico Civil nobo Buki 2 pa pone Tuitt personalmente responsabel pa e mal maneho hiba na Lotto. Hasta den e sentencia concerni ta duna indicacionnan o papia di irregularidad di impuesto, jaarrekening y otro fechorianan finansiero. E sentencia di Tuitt ta hole fraude. Ta ora pa autoridadnan competente llama charlatan Tuitt aden pa un combersacion serio.
Ta mas cu obvio cual kier hende cu kier sigi defende Tuitt ta mesun manipulador y mentiroso manera Tuitt y casi sigur a probecha finansieramente serca Tuitt cu placa di Lotto. E ultimo palabra no a wordo bisa ainda den e caso aki.
