Promer Minister di Aruba a informa diabierna mainta cu e peticion di aanwijzing manda pa Hulanda dor di CAFT no wordo trata. Esaki ta duna Aruba espacio pa por bring’e. Segun premier e meta ta pa EVITA un aanwijzing, pero si encaso e bini mes, lo kehe na Raad van State. SOLO DI PUEBLO por compronde cu Curacao a keha Hulanda na Raad van State na 2019 y a gana tambe.
Esaki te informe cu Sra. Wever Croes a emiti awe:
𝗖𝗢𝗡𝗦𝗘𝗛𝗢 𝗗𝗜 𝗠𝗜𝗡𝗜𝗦𝗧𝗘𝗥 𝗗𝗜 𝗥𝗘𝗜𝗡𝗢 𝗡𝗢 𝗔 𝗧𝗥𝗔𝗧𝗔 𝗔𝗔𝗡𝗪𝗜𝗝𝗭𝗜𝗡𝗚
Manera Minister President Evelyn Wever-Croes a informa diaranson ultimo, e conseho di CAft pa un ‘aanwijzing’ pa Aruba no tabata riba agenda di Conseho di Minister di Reino awe diabierna 15 di juli.
Minister President den e siguiente simannan lo atende e tema aki, aki na Aruba y aya na Hulanda. E meta ta pa evita un ‘aanwijzing’ y si e mester bin mes, lo cuminsa prepara di awor caba pa bringa esaki na Raad van State. “Nos huristanan a duna nos un prome assessment di e conseho y ta convenci cu e no tin suficiente base pa un ‘aanwijzing’. Pues mientras cu nos ta trahando pa evita e aanwijzing, nos lo traha tambe pa bringa e aanwijzing. Mi tin tur confiansa cu nos lo resolve e problema aki pasobra e berdad ta na nos banda”, Minister President Evelyn Wever-Croes a duna di conoce.#minpres
