Diamars mainta a inicia e di tres buelta pa loque ta trata Grupo A den Copa Mundial Qatar 2022, unda cu Seleccion di Hulanda a enfrenta Seleccion di Qatar, Qatar no tabata tin chance mas di clasifica pa siguiente buelta mientras cu Hulanda lo tabata bringando pa mira na cua posicion e lo por a clasifica.
Hulanda na di 26 minuut ta bay ariba cu score di 1-0 cual gol a wordo anota pa Cody Gakpo kende ta logra anota su di tres gol den Copa Mundial.
Prome mitar a bay den descanso cu score di 1-0 na fabor di Hulanda.
Den di dos mitar Hulanda a sigui domina y tabata hunga hopi rustig ariba tereno ya cu nan tabata practicamente clasifica na prome lugar.
Tabata na di 49 minuut Frenkie de Jong ta anota e di dos gol pa asina sigura e clasificacion di Hulanda pa round di 16.
Den otro wega di grupo A, Ecuador ta cay venci contra di Senegal cu ta logra su di 2 victoria den Copa Mundial y asina ta elimina Ecuador cu score di 2-1.
Posicion final pa loque ta trata grupo A, Hulanda na prome lugar cu 2 wega gana 1 wega empata total di 7 punto, na di dos lugar Senegal cu 2 wega gana 1 wega perdi total di 6 punto, Ecuador a keda na di tres lugar cu 1 wega gana, 1 wega empata 1 wega perdi cu 4 punto y na di cuater lugar a keda Qatar cu 3 wega perdi.
