Minister Endy Croes:
Na luna di augustus proximo ta publica e schedule y programa nobo pa aña escolar 2023 – 2024
ORANJESTAD: Diabierna ultimo, Minister Endy Croes hunto cu IBISA y comision organisado di Ministerio di Enseñansa y Deporte a reuni cu e cabesante- y docentenan di gym di e scolnan cu a participa den Weganan Escolar 2023. Hunto a evalua Weganan Escolar 2023 riba diferente aspecto e.o. apertura, pakete di cuminda, disciplinanan y orario di e weganan durante henter e siman. Tambe, a evalua clausura y e competencia di Baile Cultural y Deportivo. A intercambia idea- y deseonan cu di cual e comision a tuma nota di nan. Minister Endy Croes ta kere den traha di cerca cu tur stakeholders y pa hunto pa evalua e bunita ideanan cu a wordo treci dilanti y cu lo bay traha riba esakinan. Na final di luna di augustus proximo e schedule y programa nobo pa aña escolar 2023- 2024 ta wordo publica cu e fechanan di clasificacion di Weganan Escolar 2024 pa asina e scolnan tin e tempo pa por planifica. Esaki cu e meta final pa engrandece Weganan Escolar. Concluyendo, Minister Endy Croes a enfatisa cu hopi ideanan bunita a keda treci y pronto lo presenta e plan nobo pa aña escolar 2023 – 2024.
