Dos persona cu a wordo busca na oficina di Minister, no ta traha na dicho oficina. Ken a faya?
Riba diamars 4 di Juni 2024, Ministerio Publico, PG, fiscal, polis, landsrecherche y RST ( team Hulandes) a drenta bestuurskantoor enbusca di 3 trahador.
Error of intencional ? !
Remarcabel ta cu un error a tuma lugar. Husticia a bay busca dos trahador cu NO ta trahando den oficina di Minister Croes. Ta trafa di I.C. Y R.A.
Con ta posibel y ken te culpabel ?
Con ta posibel cu un error asina grave por a tuma lugar? Of ta intencional?
Dos trahador NO ta aloca na e ministerio aki. Nunca nan tabata.
Un ta na Dimas y otro no a ta traha na kantoor di Minister Croes. Pues a drenta oficina cu informacion robes! Con por ta ?
Ken ta autor y culpabel di e error aki y ki sanccion tin pa esnan cu deliberadamente a permiti husticia drenta lugar robes?
Un persona of personanan mester por wordo sancciona. Bo no por hasi un fanfaria asina grandi na kantoor di Minister pa personanan cu no ta traha na dicho oficina.
Finalmente nan a bin busca un solo persona na kantoor di Minister.
DRH
Si encaso ta DRH a duna husticia e informacion robes aki, Ki sanccion ta cay pa esun cu a duna informacion robes? Un error asina bo no ta haci. Of ta husticia a comente e error? Ki Rol e directora di DRH a hunga den e asunto aki ?
Poder desproportional
Tambe ta remarcabel cu algun hende a hinca den nan cabes pa bay cu forsa desproprotional na bestuurskantoor. A compronde cu a paralisa tur trabao, pa nan por busca un persona. Ta ken ta tras di e locura aki?
Anteriormente
Anteriormente ya caba landsrecherche a acudi na bestuurskantoor pa busca persona y nunca nan a acudi cu forsa desproportional o sea forsa excesivo.
Ta bon pa esnan na cabes tuma bon nota y pa nan actua rasonablemente den casonan asina.
