Diamars mainta a drenta informe di un accidente na e rotonde Lucianitastraat, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda un pick-up color preto biniendo for di Santa Helenastraat no a duna preferencia na un scooter electrico. Debi na e impacto e manehador di e scooter a resulta herida. Na yegada di e ambulans nan a atende e manehador na e sitio mes mientras e manehador di e pick-up a bandona e sitio.
