Baby Beach – Actividad di Soul Beach na Baby Beach a bira tenso, momento cu un turista a bira hopi malo.
Esaki tawata debi cu e turista lo a keda hopi den e solo cayente causano zon ontsteking.
Esaki a causa cu e turista no por a hala rosea bon debi na e efecto serio ora bo keda den directamente den solo pa varios ora.
Mesora a pidi pa ambulance
Aki ta unda e dolor di cabes a cuminsa. No tawata tin ningun ambulance disponibel e momento ey pa pariba di brug, tur tawata bezig pabou di brug.
Segun nos a compronde pariba esta na San Nicolas lo tawata tin un actividad pa nos bishitantenan di Soul Beach, y si tawata bon Rode Kruis lo mester tawata presente, mirando cu ta trata di un actividad cu hopi hende.
Den careda di 3:30 lo a mira un ambulance cu spoed bayendo ariba, pero e momentonan ey ya polis a improvisa y pone e persona hopi malo den auto hunto cu famia y escortanan pa Imsan.
Polis a pidi ayudo tur caminda
Polis a haci su maximo esfuerso pa haya un ambulance, pero tawata manera un “mission imposible”.
A bay asina leu pa check cu Kazerne esta Savaneta Kamp y tambe a resulta negativo.
Y cada minuut tawata conta.
Segun nos a compronde cu e Ambulance lo a logra topa cu e auto transportando e victima altura di e Anker y a tume over bay Imsan.
Nos tin cu bisa cu algo a bay completamente robes diadomingo merdia cu e rooster di Ambulance.
Ta trata di un eror serio cu no mag di sosode
Algun rato despues, otro caso di emergencia a presenta na Nikky Beach, pa un caso di hende cu a bira malo.
Mescos a pasa, no tabatin ambulance y mester a transporta e persona den auto di famia.
Ta urgi Imsan y Ambulance pa duna cuenta riba e desaroyo aki. A bin compronde cu tin yen ambulance disponibel, pero no tin personal.
