E “influencer” Mericano, Alexis Sharkey, di 26 aña, a wordo haya morto na banda di un caminda, west di e ciudad di Houston (Texas), despues di a disparce diabierna ultimo, medionan local a informa.

E curpa sunu di un muhe a wordo discubri diasabra pa un empleado di Departamento di Obranan Publico, kende a mira su pianan tabata sali for di algun bushi mientras cu e tabata coriendo auto.

Polis a detaya dialuna cu e fayecido, identifica como Alexis Leigh Robinault, no tabata tin heridanan visibel y a supone cu su curpa tabata eynan durante henter anochi.

Autoridadnan a afirma cu nan ta sigui investiga e caso y lo realisa un autopsia pa determina causa di e morto.

Di su parti, mama di e blogger, Stacey Robinault, a bisa cu su yiu muhe a wordo asesina. “Mi ta kere cu el a wordo asesina. Si. Pa loke mi por a berigia, manera e instinto di un mama. Mi a siña di hopi jong como mama pa confia den mi instinto. E no a defraudami,” el a splica.

Sharkey tabata tin mas di 30 mil siguido riba Instagram y segun su amigonan, e tabata traa na Monat, un compania dedica na e cuido di cabey y cuero.

LEAVE A REPLY

Please enter your comment!
Please enter your name here