Un informe cu ta circulando, pero cu no a wordo saca pa DVG ta bisa cu tin un señora cu a drenta Aruba, cu a test positivo pa Covid, cu no ta den cuarentena y no por wordo localisa.
Riba red social a cuminza circula e foto aki di un dama Hulandes cu recien a bolbe Aruba. Aparentemente su test a sali positivo.
SOLO a contact DVG pa busca un confirmacion oficial, pero DVG a contesta cu “ningun momento es informe ey a sali di DVG”
Riba e hecho cu tambe e foto ta circulando, DVG a contesta nos cu “DVG no ta menciona nomber di nignun pacient”.
Pues tin indicacion cu e informe ta corecto, pero instancianan oficial manera DVG ta rechasa di a saca e informe. Si DVG no a sake? El’a lek ? Ta via un “lek” comunidad mester a wordo informa?
Of kisas esaki ta e strategia nobo di crisis team?
Nos por resumi cu kisas tin un peliger eyfo, pasobra tin un informe circulando cu muy probablemente ta berdad, pero e canalnan ofciial no a informa ni confirma.
Te asina leu nos por informa cu e señora ta circulando riba caya cu muy probablemente tin coronavirus.
Mientras nos ta spera mas informacion oficial, sea alerta pa e señora aki.
