Siman a habri positivamente cu na momento cu awe mainta den presencia di minister encarga cu Sector Primario sr. Geoffrey Wever a anuncia oficialmente inicio di e pier di Ex Brisas del Mar su renobacion. Pa varios tempo caba e Pier aki ta wordo usa diariamente pa piscado, esnan cu ta landa of tambe ta uza e Pier aki pa bai rif of visa versa. Awe porfin e momento importante a yega pa ehecucion.
Pa loke ta renobacion di Piernan rond Aruba a aloca un fondo disponibel pa ehecuta e proyectonan aki. Den e caso di Pier di Savaneta Ex Brisas Del Mar esaki ta e prome riba e programa di Gobierno di AVP/FUTURO. Despues di e Pier aki lo bai continua cu otronan manera cual un di nan ta esun di Colony.
Pa loke ta trata renobacion di e Pier e contratista encarga ta Break & Build cu lo bai percura pa durabilidad y pone trapi nobo y e parti mas importante cordando riba nos Piscadonan.
Hunto cu minister sr. Geoffrey Wever na e ocasión special aki tabata tey presente tambe esnan di Fundacion Savaneta. Sra. Nathalie Maduro di Departamento di Agricultura,Cria y Pesca Santa Rosa y hefe di sección di Pesca di Santa Rosa sr. Byron Boekhoudt.
Nos ta hasi un recordatorio na tur usuario cu awor cu e Pier di Ex Brisas Del Mar ta bai ta den pleno renovación pa tene na cuenta cu e lo bai ta será pa publico.
Palabra di Felicitacion y gratitud na nos Piscadonan y na e Pueblo di Savaneta cu pronto lo bay haya su Pier di Ex Brisas Del Mar completamente renoba.
