Wereld Natuur Fonds (WWF-NL) ta duna un empuho na conservacion di naturalesa internacional door di pone fondonan disponibel pa proyectonan innovativo den y pafo di Hulanda. E INNO-Fonds di WWF-NL tambe ta disponibel pa proyectonan di Aruba, Boneiro, Corsou, Saba, Sint Maarten y St. Eustatius. Ta posibel pa ricibi un subsidio di maximo 10.000 euro pa proyecto.
E INNO-Fonds tin como meta pa duna sosten na organisacionnan chikito cu nan proyectonan pa conservacion di naturalesa. E fondo por sirbi como financia den comienso pa diferente tipo di proyecto manera pa educacion, investigacion, expancion di trahadonan etc. Por aplica te cu 30 di december 2025 via e pagina https://www.wwf.nl/wat-we-doen/actueel/inno-fonds/aanvraag.
Un ehempel di un proyecto cu a ricibi subsidio di INNO-Fonds ta Fundashon Sisapere. Bou di guia di Benjamin Visser, e fundacion ta trahando riba un ‘voedselbos’ di dos hectar den e barionan Toni Kunchi y Barbouquet (na Sta. Rosa). Nan ta uza e metodo di agricultura sintropico: un manera sostenibel di agricultura cu ta duna bida nobo na tera seco y cansa, uzando palo, yerba y berdura local.
E fundacion tambe tin e meta pa habri un centro di investigacion caminda hoben- y adultonan por siña tocante e metodo di agricultura sintropico. E iniciativa akí por yuda desaroya agricultura local na Corsou. Agricultura sintropico ta contribuí na suministro di cuminda sostenibel, ‘herbebossing’ y adaptacion di clima di e isla.
