inscripcion pa e proximo aña escolar pa scol basico y mavo a habri na SKOA. Mayornan ya caba por inscribi nan yiunan na un scol di SKOA pa asina sigura nan luga pa aña escolar 2025-2026.
Con pa inscribi?
SKOA ta ofrece inscripcion completamente online. Por inscribi via nos website www.skoa.aw pa asina inscribi completamente online. Por inscribi via email na aplicacion@skoa.aw. Por inscribi tambe via WhatsApp na +297 748 5995 y sigui e pasonan pa completa e inscripcion. Ora di inscribi mester pone bon atencion ariba e documentonan necesario pa asina por cumpli cu e proceso di inscripcion di cada yiu exitosamente. Pa mayornan cu ya caba tin yiu inscribi na SKOA por haci inscripcion di e yiu cu ta bay cuminsa basis of secundario via nos systema di SAS.
Contribucion di mayor
E tarifa di contribucion di mayor pa e proximo aña escolar pa basis y mavo:
- Pa basisschool schoolgeld ta Awg. 275,- y aircogeld ta Awg.150,-
- Pa mavoschool schoolgeld ta Awg. 350,- y aircogeld ta Awg.150,-
Pa por completa inscripcion pa aña escolar nobo di 2025-2026, mester cumpli cu e rekisito di SKOA cu ta rekeri e contribucion di “schoolgeld y airco geld” di 2024-2025 ta completo paga. Mayornan cu ta desea un areglo di pago por haci peticion pa esaki.
Scourge pa un bon educacion, na SKOA nos ta enfoca ariba e desaroyo y crecemento completo di cada mucha y alumno. Nos ta ofrece educacion di calidad cu ta enfatisa e balornan Catolico, comunicacion na nivel multilingual, diversidad, innovacion y actividadnan extra-curicular. Nos muchanan y alumno ta ricibi educacion cu ta prepara nan bon pa e futuro di mañan.
SKOA tey pa guia tur mayor durante e proceso di inscripcion. Pa mas informacion bishita nos website www.skoa.aw por yama nos directo na (+297) 523 1800 durante orario di oficina.
