E interes a keda halto for di e prome cursonan cu tabata tin. Awor despues di algun tempo Departamento di Agricultura, Cria Y Pesca Santa Rosa ta bai cuminsa bek cu e cursonan aki di Criansa di Cabrito y Carne pa proposito commercial. Comentarionan semper a keda positvo. Esaki ta debi cu e curso a yudanan di tal forma den diferente aspecto y conocimento. A ricibi conocimento y guia riba varios punto di importancia den criansa di Cabrito y Carne pa proposito commercial. Hopi detaye a bin dilanti den e curso cu nan mester pa practica na nan beneficio. Manera entre otro, selección di animal pa cria, guia riba dunamento di cuminda, calculacion di cantidad cuminda, cortamento di huña, asina por sigui menciona puntonan hopi clave pa cu criansa di Cabrito y Carne. Mester meciona tambe cu ta locual cu nos departamento di Agricucltura, Cria y Pesca, Santa Rosa ta para pe tambe. Duna tur aporte y sosten na nos productornan local di carni fresco riba base commercial. Mirando tambe cu e interes a keda halto den e tipo di curso aki Santa Rosa a dicidi di prepara pa otro curso cu ta bai cuminsa 8 di mei y ta bira tur diahuebs theoria y tur diasabra practico te cu 14 di juni 2025. E diahuebsnan e orario ta di 7’or pa 9’or di anochi y e diasabranan lo ta di 9’or pa 11’or di mainta. Tur curso ta wordo duna aki na edificio di Santa Rosa na Piedraplat 114-A. Costo di participacion pa persona na e curso aki ta di AWG 50,- cu tur material di curso inclui. E curso lo wordo duna dor di nos hefe di seccion di criansa cu ta sr. Edward Berben.
Pa tur esnan interesa nos ta hasi un apelacion pa regista mandando bo informacionan via di email info@santarosa.aw of por tuma contacto cu nos oficina na 585-8102. Corda cu cupo ta limita pesey reserva esun dibo mas pronto posibel pabo no lamenta. Corda si cu e mester ta paga prome cu e curso cuminsa pa sigura bo cupo.
Santa Rosa semper enfocando riba bienestar di nos productornan local.
