Inter di Milan y Manchester United a gana diaranson nan respectivo partidonan pa clasifica na e
cuartonan di final di Europa League, cu a retoma nan actividad tras di e paro obliga pa e pandemia di coronavirus. E ekipo Italiano a derota Getafe 2-0 den un yami na e partido unico, hunga na Alemania, cu golnan di Romelo Lukaku y Christian Eriksen. Mientras tanto, United a supera LASK Linz 2-1 como local, cu golnan di Jesse Lingard y Anthony Martial pa cera e yabi cu un marcado agrega di 7-1. Den e proximo buelta, United lo enfrenta FC Copenhagen den e ciudad Aleman di Cologne dialuna cu di su parti a golea Istanbul Basaksehir 3-0 como local pa avansa tras di a cay den e ida 1-0. Den otro di e partidonan di dia, Shakhtar di Ucrania a avansa di instancia den golea e Aleman Wolfsburg 3-0 como local pa seya e yabi cu un categorico marcador agrega di 5-1.
