Recientemente a tuma luga e International Functional Fitness World Masters Championship 2022 y a conta cu participacion di atletanan tanto local como internacional. Pa 3 dia largo e atletanan a participa den diferente workouts na Centro Deportivo Betico Croes.

E prome dia a tuma luga na Nikki Beach caminda atletanan a test nan resistencia pa e competencia. E di dos dia tabata ehercicionan pa demonstra e forsa di cada atleta y a tuma lugar na Centro Deportivo Betico Croes. Ariba e dia aki tambe tabata tin competencia nan di ”bodyweight” cu a tuma lugar na Mariniers Kazerne. E evento a tuma lugar cu un evento social na Local Store pa tur participante.

Esaki ta e di 3 aña cu Aruba Bank ta forma parti di e competencia grandi aki y a partner up un biaha mas cu nan. E competencia di fitness ta creciendo na Aruba y hopi persona a presenta pa apoya tur atleta. Nos felicita e organisadonan, e ganadonan, participantenan y tur publico presente di a haci e International Functional Fitness World Masters Championship 2022 uno exitoso.

LEAVE A REPLY

Please enter your comment!
Please enter your name here