Investigacion RDA ta mustra riba malversacion na gran escala!! Pagonan ta bay via telefon y sin contract!

0
2215

E rapport di RDA poco poco ta saliendo na lus di dia. Solo di Pueblo tabatin un vista atrobe riba algun pagina mas di e rapport.

Richard Arends

Prome nos a wak e abuso di cobranza di Richard Arends di AVP, kende a exagera den su facturanan. El’a cobra sumanan exhorbitantemente halto. Recibonan infla, gordo gordo!

Awor Richard Arends tambe lo bay bira sospechoso di husticia, pasobra tin asina tanto violacion y cobranzanan cu no por wordo hustifica, riba dje, un contract cu si encaso e wordo kibra, mester page 5 anja di salario pa mas di 3 miyon florin.

Companianan di publicidad

No solamente Richard Arends ta bao loop di malversacion, pero tambe cierto companianan di publicidad liga na Partido Avp, cual a haci abuso di marca mayor.

Ta manera Clarita a bisa: “tin atracador den RDA”.

Mas tristo ta cu RDA a wordo maneha sin regla, sin procedura, sin protocol, sin maneho y sin control.

Ex director Koolman tabata haya yamada di telefon y tabata aproba dealnan straño pa sumanan di placa grandi y tabata transfer placa (out of control) pa companianan liga na Avp. Ningun di e pagonan aki no tabata cana un caminda corecto. Casi por bisa cu RDA tabata wordo maneha for di Cas di Partido Avp, unda nan a apodera di RDA como nan caha di placa.

Viola regla di bon gobernacion

Contra tur sorto di regla di bon gobernacion, tabata parti placa (casi sigur tabata haya ordo di ariba). Tabata haci pagonan cu ni sikiera tabata necesario.

Un solo agencia tabata wordo paga dos recibo tur luna, sin cu tin un contract, pues no por haya ni contract, ni bewijs di kico te servicio cu a wordo duna y mas tristo ta cu NINGUN servicio a wordo duna.

Free for all

Ni sikiera nos por usa e palabra “free for all”, pasobra e palabra ey ta keda chikito di e rotsooi cu a bin topa den RDA.

Ta bay cay hopi hende atrobe cera! Esaki ta un otro gate mas di AVP, cu lo tin un rabo laaaaargo.

Miles y miles na gasto di mercadeo

Tin un Chabelito cu a bolbe atraca RDA, den forma askeroso! Parce tin hende cu no por ta creativo, no por ta un comerciante cu honor! Nan unico vision ta pa atraca gobierno pa nan por biba na grandi. Sinembargo den RDA tin violacionnan grave cometi y tin hende ta bay topa cu husticia y lo bay pasa mescos cu Leoncita.

LEAVE A REPLY

Please enter your comment!
Please enter your name here