Diadomingo awor, 10 di april ta Diadomingo di Rama, un fiesta Cristian cu ta cay riba e diadomingo prome cu Pasco di Resureccion. Ariba Diadomingo di Rama ta conmemora entrada triunfal di di Hesus na Herusalem y ta e comienso di Semana Santa. Riba e dia aki fielnan ta topa na misa pa ricibi rama bendiciona; nan ta sali den procesion bao canto di alegria. Cu e rama bendiciona nan ta traha un cruz pa colga na muraya na cas of pone den nan Bijbel. Pastor Jairo Maduro y Pader Jose M. Nava ta invita tur parokiano y nan famia, special muchanan cu ta bay ricibi nan Prome Santa Comunion y hobennan cu ta preparando pa nan Confirmacion pa uni den e celebracion di Diadomingo di Rama y topa 8:00 di mainta na porta panord di misa unda lo bendiciona tur e ramanan. Cu rama den man, fielnan lo sali den procesion cu musica di Misioneronan di Hesus. Lo pasa riba caminda grandi direccion pa e rotonde, bira na man drechi riba Caya G.F. Croes y na altura di Colegio San Hose ta bira y termina pabou di misa. Ta sigi cu Lectura di Pasion di Señor y celebracion Eucaristico cu Coro “Inmaculada Concepcion”.

Pa 11:00 di mainta y 6:30 atardi fielnan por asisti tambe na Lectura di Pasion di Señor y celebracionnan Eucaristico. 

Ta corda un y tur cu dialuna, dia 11 di april y diamars, dia 12 di april tin oportunidad pa confesa despues di e Celebracion Eucaristico di 7:00 pm. 

Masha danki y cu Paz di Cristo reina den boso curason.

Fraternalmente,

Pastor Jairo Maduro

LEAVE A REPLY

Please enter your comment!
Please enter your name here