Diadomingo awor, 19 di juni, iglesia catolico ta celebra Fiesta di Corpus Christi, Curpa y Sanger di Señor. Pastor Jairo Maduro y Pader Jose M. Nava di parokia “Inmaculada Concepcion”, Santa Cruz ta invita un y tur, specialmente tur mucha cu a caba di ricibi nan Prome Santa Comunion, pa bisti nan paña bunita pa cana den procesion cu Santisimo. Ta haci un apelacion na mayornan, pa bin cu henter famia y compaña nan yiunan na e Santo Misa y procesion cu caracter festivo na honor di Señor, Kende ta bibo y presente den hostia, curpa, sanger y divinidad y digno di tur adoracion. E Sacrificio di Misa ta cuminsa pa 8:00 di mainta y e procesion lo tuma lugar na final di Misa riba e parking lot. Paz di Cristo sea semper cu boso.

“Ami ta e pan bibo cu a baha for di Shelo; si un hende come di e pan aki, e lo biba pa semper.” Juan 6:51

LEAVE A REPLY

Please enter your comment!
Please enter your name here