Ivo no tin Autoridad pa papia
Solo di Pueblo a ricibi reaccion riba e declaracion haci pa Ivo Valdes.
“Nos ta puntra kende a duna Ivo Valdes autoridad pa papia tocante e nombramento di Sr. Herde como minister. E por papia den su nomber personal, pero sigur no den nomber di tur miembro di OPPA. E no tin e derecho ey y nos no a autoris’e pa representa nos opinion den un tema politico asina”
Diferente opinion den OPPA
No tur miembro di OPPA ta simpatisa AVP. Tur hende tin su propio preferencia politico, y e simpatia di Ivo Valdes ta su derecho personal. Pero e no por usa e organisacion pa crea un imagen falso manera si nos tur ta pensa manera dje.
Cambio di Statuut pa su beneficio
Ta bon pa recorda tambe cu Ivo Valdes a cambia e Statuut di OPPA pa por keda un periodo mas como presidente. Ta baha mes e no kier baha, pero su periodo ya a caba. E kier keda cu poder den un organisacion cu ta di nos tur.
OPPA ta di nos tur
OPPA no ta di un hende so. OPPA ta di nos tur miembro, cu opinion y simpatia diferente. Ivo Valdes no por papia pa nos tur, solamente pa su mes.
Miembronan a condena su metemento den politica y a keda hala atencion di directiva di OPPA
