No ta un secreto cu nos mucha-y hobennan ta hopi vulnerabel den e mundo avansa y tecnologico di awendia.
Aruba conoce su Departamento di Asuntonan Social, cu mester boga pa siguridad di noa muchanan. Sinembargo Gabinete Wever-Croes II a haya ta bon pa bin c’un departamento completamente nobo. Pa esaki, Departamemto di Mucha y Hoben a mira luz di dia.
Basa riba esaki, Jacqueline Woodley a manda algun pregunta pa Parlamento, tocante e derecho di existencia di e departamento aki.
PPA tin e siguiente preguntanan:
1. Con bin cu DMH por a habri su edificio dia 7 di november ultimo y cu cua placa? Ken a sponsor of a duna un subsidio na un departamento di gobierno? Y PPA ta puntra con esaki ta hinca den e landsbegroting di 2024 si e no ta gebudgeteerd? Ta placa adicional?
2. Con un entidad Gubernamental, a wordo lanta cu un instellingsbesluit desde 1 di october 2022. Con e proceso aki a bay y ken su iniciativa esaki tawata y a base di kico a tuma e decisionnan?
3..Dicon esaki no a wordo palabra den Parlamento na un manera transparente adhunto cu tur e documentonan? Kico ta e secrecia ta te dia di awe? PPA ta puntra si esaki ta politica di MEP pa acomoda un miembro di partido, cuanto otro a wordo acomoda cu un departamento nobo?
4. Dicon Parlamento no a puntra con un departamento nobo ta cuadra den e Landspakket cu Aruba tin di ehecuta?
5. Dicon Parlamento cu ta consisti di parlamentarionan hoben, nobo y innovativo di Aruba no a cuestiona gobierno den Staten y con bin cu e departamento no por a resorta bou di Directie Sociale Zaken? Con esaki mester wordo mira si ta den e begroting 2024 ta para si DMH ta para pa continua un programa?
6. Dicon mester bin un departamento gubermental cu mester wordo lanta y central? Dicon e colaboracionnan no por a continua y ken a tuma un decision di cambia e maneho sin evalua esaki, of ta politica barata?
7. Unda tur e documentonan ta? Raad van Advies, DWJZ, CAft a duna conseho?
8. Kico t’e ‘advies’ di DRH, ya cu tin hopi vacatura habri te ainda, y diklcon e personal no por a yena e otro vacaturanan habri riba tereno social pa traha hunto? Ta kico e advies di DRH ta pa por a traha riba e “instellingsbesluit” asina? Paso ainda tin hopi vacatura habri. Unda DRH a keda y a duna advies pa yuda otro departamentonan cu nan vacaturanan cu te ainda ta habri? Ken a traha y a acorda e organograma y bou di ken e ta resorta?
9. PPA ta yama gobierno a base di ley Openbaar Bestuur pa mustra pueblo tur e documentonan. PPA ta para pa transparencia y integridad di decision.
10. Con bin cu e profesionalnan den e sector social y medico mes ta bisa diripiente DMH tawata t’ey y a base di ki mandato? Dicon nan no a wordo consulta y tampoco si ta necesario pa tin un departamento nobo?
11. Ken ta evalua DMH y si ta DRH, na ki manera ta haci esaki? Ta ken su responsabilidad e entidad aki ta y kico ta e decisionnan tuma?
12. Elogio mester ta pa e trabou di e profesionalnan di tur e otro departamentonan cu ta haci e trabou di nan cinco posibel.
A base di esaki PPA ta kere cu e maneho di mucha- y nos hobennan mester ta uno mas efectivo pero no tin necesidad di lanta un departamento di mas si e por a keda den un manera efectivo y eficiente como parti di un Directie di Sociale Zaken (cu tawata guia Social-Crisisplan) of bou di mandato di Directie Volksgezondheid.
Manera anterior ta stipula (basa riba nan mandato pa guia tur mucha). Tambe PPA ta kere den un cooperacion intensivo di profesionalnan den un Landsbesluit cu tambe ta hancra unda e supervision integral di crèche tawata ta den plannan anterior. DMH no por drenta den un area medico preventivo sin mandato y e experticio necesario.
Un evaluacion profundo mester wordo haci y kico e consecuencianan lo ta riba termino largo. Parlamento ta drumi desde 2022?
