Jan van Ness (Aruba Food and Beverage Association):
Ta boga pa gobierno negosha cu Hulanda y yega na un acuerdo
Igual cu e otro gremionan comercial y sindical, Jan van Ness, presidente di Aruba Food and Beverage Association, tabata tey presente durante e cumbre entre gobierno y gremionan comercial y sindical.
Aki van Ness a indica su preocupacion pa loke ta e documentonan entrega door di Hulanda na gobierno.
Contrario na tur otro persona cu por a lesa e documentonan, van Ness no a logra di haci esaki, ya cu e tin pleno confiansa cu prome minister lo haci un analisis profundo y tin e confiansa cu pronto Aruba lo yega na un acuerdo cu Hulanda.
Durante e cumbre di siman pasa a vocifera cu nos orguyo cu a referi na nos autonomia, no ta pone cuminda riba mesa.
Kico nos sector di Food & Beverage ta pasa door di dje? Na e momento aki casi 600 restaurant, bar y lounges, ta halando rosea na un respirador.
Den nan encuesta teni bao di e miembronan, 7% so di e sector aki a expresa cu nan por biba sin loonsubsidie.
Loke kiermen cu kita loonsubsidie, ta kitando e plug di e respirator di 93% di e negoshinan cu lo keda sin rosea.
Den e transcurso ey tambe, basa riba menos food & beverage purchases, posiblemente un food wholesaler lo bay belly up.
Algun taxista y watersports lo join e grupo aki. E sector aki, cu ta refleha mas of menos 5.2% di GDP y 6 mil empleado, lo tin un mayor impact cu varios mil hende sin trabao.
Un impacto devastador, lo sigui fia placa pa tene otro sectornan na bida y pa cuanto tempo, van Ness a puntra.
Den e luz aki, e sector di food and beverage ta boga pa negosha cu Hulanda y yega na un acuerdo.
Taskforces ta bezig caba pa por alinea. Con ta bay reforma nos economia, controla burocracia, dus nos ta riba e bon caminda caba.
Van Ness no ta duda cu nos por, pero ta tuma un mindset cu mester cambia. Un mindset cu no tey ainda. Un mindset cu no lo bin over na dje tampoco.
Un mindset cu van Ness ta visiona ta unda gobierno di Aruba, lo pidi pueblo kico por haci p’e y luga di pone nos sinti cu nos ta wordo haci un fabor.
Un mindset lo haci tur e diferencia, no djis pa gobierno e mindset mester cambia. E mindset mester cambia pa nos tur.
E ta logico cu mester reacciona unda nos autonomia ta wordo tacha. Pero ta sugeri unda cu por logra y hasta surpasa e metanan sugeri pa Hulanda.
Y haci’e door di duna e gobierno aki e sosten pa negosha y actua. Pero na e mesun momento ta parti di un mindset innovativo, creativo y di solidaridad.
Den e sector di F&B tin hende cu a perde masha hopi y sacando e stekker di e respirator lo tin un impacto tambe na tur esunnan cu no ta den e gevaren zone awor aki ainda.
Ta opta pa mustra Hulanda cu nos por y retrieve mientras tanto pa un miho posicion. Nos por y nos mustra esey na Hulanda y pueblo, no cu palabra y manera ta bisa na Hulandes “Geen woorden maar daden”.
Poco dia pasa, Nel Oduber a post riba su pagina di Facebook, cu 30 aña pasa dia 13 di juli, a logra schrap independencia di Statuut.
No tin un rijkswet pero di un statuut. Historia por ripiti su mes. Una bes nos logra y mustra cu nos por, nos por schrap whatever rijkswet.
Mientras tanto pa keda den e ambiente di e sector di cuminda y bebida, mester pone cuminda riba mesa.
Tin 80 restaurant di e 400 cu ta habri awor aki y kier keda habri mientras otronan ta prepara pa habri.
