ORANJESTAD – Un situacion di confusion ta reinando den AVP riba ken tin derecho pa bira ministro di Energia. Segun varios fuente den partido, Jennifer Arends Reyes ta considera como e candidato mas adecua, ademas di e realidad cu e tin e voto necesario pa e puesto aki.
Sinembargo, awor ta sali na cla cu Baba Harde ta wordo menciona como posible nominado, un move cu ta causa disgusto cerca varios miembro di AVP.
Segun nan, Baba Harde no ta un persona activo den politica. E ta un pensionado y su nominacion como ministro ta wordo considera como un error grandi.
“Con nan por nombra Baba si su nomber no tabata riba lista di candidato?” un fuente ta cuestiona.
Partido awor ta enfrenta un desunion interno, na e momento crucial pa stabilisa su futuro politico y mantene sosten di su base.
Ta keda pa mira si AVP lo sigui cu su plan actual, of si nan lo reconoce Jennifer Arends Reyes como e unico opcion logico pa lidera Ministerio di Energia.
