Jeon ta lansa remix di e cancion “M’a Lag’e Caya” conhuntamente cu cantante di Curacao mihor conoci na su nomber Artistico Kevv.

Ken por a kere cu un simpel video di tik tok cu a wordo publica riba rednan social Awe 21 di Maart Jeon y Kevv ta lansa un videoclip hunto!

E storia na con e colabracion di Artistanan aki a yega na di graba e cancion ta uno remarcabel. No ta hopi tempo pasa Kevv a post riba su tik tok cu un simpel guitara su version di M’a lag’e Caya, un cancion ya conoci di Jeon su album Biggy Boy Forever. 

Jeon un dia diripiente a ricibi yen di mensahe caminda varios persona a indic’e pa e wak e video cu Kevv a publica riba su tik tok personal. Ora cu Jeon a bin topa cu e video aki, e la gust’e asina hopi cu e la comunica cu Kevv y bise pa nan colabora riba e cancion hunto y traha un remix di dje.

Den un forma hopi spontanio e videoclip a wordo graba na Rincon na Boneiro. 

Jeon a bula bai Boneiro 16 di Maart mainta trempan caminda e la topa cu Kevv y pasando den barionan, Rincon a toka nan na un caminda hopi special cu nan a dicidi esei lo ta e locacion cu e clip lo wordo graba. 

Pa mas informacion bishita social media di Kevv y Jeon, por mira nan live na con nan a bin topa otro y graba e clip di M’a Lag’e Caya remix.

Jeon: https://www.facebook.com/arvanimuzic

Kevv: https://www.instagram.com/p/CbQVPb9LNLa/

LEAVE A REPLY

Please enter your comment!
Please enter your name here