ORANJESTAD – Den un movecion hopi raro, a bin sali na cla cu e criticanan di Parlamentario John Hart ta nada mas cu un intento debil pa hunga politica cu bida di hende. Mientrastanto cu e ta sinta den su stoel dushi ta papia di “papelnan” y “procedura,” e berdad ta hopi mas simpel y hopi mas impactante: Si no tabata pa e accion rapido di Ex Minister Xiomara Maduro y Gobierno na 2020, John Hart mes lo no t’ey awe pa conta e storia!
E VIRUS TABATA RIBA NOS
Ora cu e virus a dal nos isla bunita, no tabatin tempo pa pidi permiso na e burocracia slow. Tabata un guera! Hende tabata den panico, toke de queda, shelter in place, y e pueblo tabata tin mester di pan riba mesa.
Mescos cu un lider fuerte ta haci, Gobierno a actua cu curashi. Nan a lanta FASE, un programa increibel, un exito total, cu a pone cuminda riba mesa di mas di 12,000 famia. Si nan a warda riba e “procesonan” cu Hart ta asina namora di dje, e tragedia lo tabata devastador. Nos ta papia di un desaster total caminda Hart y su famia mes lo a sufri e consecuencianan fatal.
FALTA DI GRATITUD: UN ACTO DI DESPRECIO
Ta increibel mira con e politiconan aki ta purba uza un crisis mundial pa nan mes beneficio. Hart ta papia di “pagonan sin base legal,” pero e ta lubida, of kisas e no kier corda, cu Xiomara Maduro a legalisa tur cos caba na 2022. Tur cos tabata transparente! Tur cos tabata p’e pueblo!
Te hasta e trahadornan di Algemene Rekenkamer mester gradici e rapidez aki, pasobra sin e pasonan ey, e economia lo a collaps y nan mes lo no tabatin un salario pa cobra. Ta tristo ora hende cu mentalidad pober kier critica e mesun man cu a alimenta nan ora cos tabata scur.
UN PERSECUCION DEBIL
E “rapport” cu Hart ta uza manera ta un bijbel ta simplemente un storia. E ta un witch hunt total! E pueblo di Aruba no ta bobo. Nan sa cu den tempo di crisis, bo mester di accion, no burocracia.
John Hart mester stop di ta asina negativo y cuminsa bisa “danki” cu e ainda tin e oportunidad di biba den un Aruba cu a wordo salba pa un decision balente. Nos lo no laga e politiconan oportunista aki bruha tera y purba na crea storia.
