Recientemente Jolanda Kock- Fuentes di Simeon Antonio a presenta den prensa pa lansa acusacion contra ex-minister Endy Croes, relaciona cu un supuesto “arreglo” of fix pa un huur di e centro deportivo den e bario. El’a expresa su mes na un manera masha mahos, sin educacion, baho y vil.
No ta prome ves e topico aki a bin den prensa. Den pasado ya caba Solo di Pueblo trece e informe cu ningun minister por firma of fix.
Segun e reglanan vigente, ningun minister – ni esun di awor y ni esnan di pasado – no tin autoridad pa otorga, cera areglo of firma pa un centro deportivo. Tal decision ta unicamente di e doño di e compleho.
Pues Jolanda Fuentes ta lansando acusacion sin prueba, cu ta totalmente falso.
Si e tin cualkier precupacion, e mester ta na e instancia concerni pa adresa su precupacion, pero no sin mas por papia manera “baca ta laga basha” treciendo acusacion falso dilanti.
Si señora Fuentes haye cu un demanda legal pa substancia su ponencia, e lo tin e prueba pa back up su storia ? No ta descarta cu e por haya un carta pa rectifica.
No ta keda otro cu Jolanda Fuentes ta wordo mal informa of intencionalmente kier benta culpa riba ex minister di MEP, acusando e di a firma, of fix un areglo pa Centro na Simeo Antonio, cual ta carece di berdad.
E tin su pleno derecho pa protesta, pa trece reclamo, pero no cu falsedad.
