Joran van der Sloot ta na caminda pa Peru pa bai bek prison. E hulandes a keda extradita temporalmente pa Merca pa e caso relasiona cu morto di Natalee Holloway. Eynan nan a duna e 20 aña pa extorsion.Segun agencia di noticia Associated Press, Van der Sloot a wordo poni den e avion pa e capital peruano, Lima, dialuna. Aki el a ser sentencia na 2012 na 28 aña di prison pa asesinato di e peruano Stephany Flores. E sentencia aki a keda prolonga na 35 aña di prison pa contrabanda di droga.Van der Sloot, di 36 aña, a ser condena na cuminsamento di e luna aki na e estado mercano di Alabama pa un otro delito: extorsion di Famia di Natalee Holloway.
Den e caso ey el’a ricibi binti aña di prison, cu ta permití’e cumpli simultaneamente cu su sentensia na Peru.Danki na un acuerdo cu hustisia, Van der Sloot a evita un sentensia di prison mas severo. Den cambio di reduccion di sentencia, el a confesa di a mata Holloway mientras e tabata di vakantie na Aruba na mei 2005 y a tire den lama.Pasobra e casonan aki a tuma luga na Aruba, Van der Sloot no por wordo procesa na merca.
