Kapel di Alto Vista blanco di vandalismo yena cu odio.

0
286

Alto Vista: Diabierna den oranan di mainta trempan  manera custumber di tur dia, e persona encarga cu Kapel a bay habri e portanan y a bin topa cu un sorpresa.  Desconocidonan a pinta riba e murayanan, riba e cura, riba vloer y tambe riba un di e cruznan(stashinan). Mester ta trata di un persona cu no ta mentalmente mucho bon, cu den oranan di anochi pa mainta lo a comete e vandalismo aki. Skirbiendo 666, Swastika (hakenkruis) esaki ta e simbolo durante Segunda Guerra mundial tabata wordo uza pa e Nazinan y awendia te ainda ta wordo uza pa personanan extreem rechts. Tambe Say 10.  Den pasadoNan a yega di comete vandalismo na e Kapel door di pinta riba dje y tambe un persona mentalmente enfermo a yega di destrui e imagen di La Birgen. Nos no sa kiko ta e meta of kiko e persona aki lo kier logra cu vandalismo, pero sigur ta un persona cu problema mental hopi serio paso e edificio no a hacibo nada y door di  sush’e bo no lo logra nada. Un acto hopi baho. Cada ken mester respeta creyencia, religión, preferencia di otro. Un persona, fiel bishitante di e Kapel a keda di manda un team   di haci limpi, pa pressure wash e murayanan.

LEAVE A REPLY

Please enter your comment!
Please enter your name here